鐵拳英雄︳網友嘲安娜遭祭天戲道具太流 韓馬利奸得有型 Big Boss真面目曝光…

《鐵拳英雄》昨晚一集講到安娜（王君馨飾）被捉去祭天，赤靈王（梁琤飾）在主角青雲（陳展鵬飾）、細鳳姐（元秋飾）及芊芊（唐詩詠飾）面前點火，安娜身前即時火光熊熊，情況相當危急，不過主角光環加持之下，當然順利被救出。不過網民對這場重頭戲不太滿意，認為場面設計兒戲，安娜如此好身手，竟然不是用鐵鍊綁，來來去去只得十幾個村民；更甚是主角青雲為何向住大火衝去救人，大遠鏡時見到後面仍有位可走，明顯這場戲有太多穿崩位及道具太流。

同場加映：閃電傳真機丨張沅薇趁兩個仔長大復出幕前 常被認出最愛聽到：細細個就睇你

{{hket:ul-video id="5201"}}{{/hket:ul-video}}

{{hket:inline-image name="02113014.jpg"}}{{/hket:inline-image}}

{{hket:inline-image name="02113002.jpg"}}{{/hket:inline-image}}

王君馨、陳展鵬同唐詩詠這晚如此落力演這場祭天戲，可惜網民唔收貨並在官網留言：「綁著安娜的繩只繞三個圈，太弱雞；她好歹也是殺手，應用鐵鍊才有說服力吧！另外，他們被村民追殺，臨記太少，唔夠震撼，來來去去只得十幾個村民。」、「劇情太老土，場面設計、群演又兒戲」、「點解主角救火要衝去前面救啊，後面有位上去啊」、「budget問題，腦補下，後面都有柴草」及「做戲嘛」等。大家不單止對設計同道具不滿，對女主角唐詩詠打鬥場面也有意見，「打得好難睇，好心執下先出街啦！」、「劇情巳經好差，而家連打戲都咁馬虎！」、「兩隻鳳爪飛飛下，都唔知點解導演可以收貨，無要求到咁」、「打得如此假都行，服了。。。」、「唐詩詠真係打到…好難睇」、「唐詩詠好雞」及「唐姑姑有乜嘢方法，練功練到無老鼠仔。」等等。

鐵拳英雄︳王君馨武值暴跌網民大斥離晒譜 推測吳家樂係幕後Big Boss？【下一頁】

雖然網民不太滿意這場戲，但近日劇情講到紅花姐（韓馬利飾）同赤靈王（梁琤飾）的姊妹大鬥法，兩位好戲之人蜊戲，令大家睇得投入又力讚。話說紅花姐獲得神秘人助拳之下，成功擒獲赤靈王回大本營，眼看赤靈王要死於神秘人掌下，紅花姐卻要親自操刀，眼神相當狠辣；之後紅花姐同當地黑幫開會對付彭堅，氣勢十足，巾幗不讓鬚眉。韓馬利這兩場戲揮灑自如，又奸又有型，扮黑幫大家姐有晒姿勢同語氣，贏得不少網民讚賞：「Mary姐啲戲好正」及「Mary姐對眼演戲」，其實之前已有人話過她在戲中好有氣勢，有場戲講「要一次過做低兩個」，無論語氣及手勢都好有氣勢。

Mary姐（韓馬利）今日接受《晴報》訪問，承認有設計過紅花姐一些小動作，「導演好好，好畀我哋發揮，無規定我哋點做，覺得點樣做舒服就做，所以都係我自己設計，多謝大家留意到。（鍾意演這類角色？）當然，演員希望唔同嘗試，我都做咗幾十年，想每次畀到新鮮感觀眾睇，呢個係自己責任。其實都唔係一個人功勞，拍劇講求大家互動，又要對手畀到戲你，導演拍攝嘅角度，好多嘢去配合。」Mary姐拍過《宮心計２》這類宮鬥劇，認為不用太多對白，有內心戲做就最好，可以滿足表演欲。

提到同梁琤戲中姊妹鬥到你死我活，有否提出放過親妹一條生路，「劇本點寫就點做，無特別要求點樣做，演員一定要尊重劇本，當然有啲嘢可以提出點樣再好啲，若果太大變化就唔會。我都好感謝KK（張國強），佢都畀我好多意見，同佢合作係好開心。（戲中最後成為敵人？）係，本來一齊打江山，但佢因為一個女人搞到咗，女人嘅恨意咁樣出晒嚟，被人欺騙嘅感覺，真係怒火沖天，乜人都殺，成個人火遮眼。」

（↓點擊圖片放大↓）

此外，現在最令人關注是「神秘人」Big Boss的真正身分，有網民昨日已推測是吳家樂飾演的路向東，一直隱藏在主角們身邊，訛稱自己已失去武功。今日（11日）有網民上載一張外景花絮照，謎底即時解開，見到吳家樂穿上神秘人的戲服，和替身及幕後人員等，正在研究即將拍攝動作，看來網民的推測很準確。

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="af67c90a-3b52-4522-9e3d-e5d0b6987ef3_600.jpg"}}{{/hket:inline-image}}

{{hket:inline-image name="8b77edc5-7914-4c3f-bbb1-1faaffd3a3cc_600.jpg"}}{{/hket:inline-image}}

{{hket:inline-image name="e4356b4d-c11e-41a6-bdd9-a9e3ca2efe9d_600.jpg"}}{{/hket:inline-image}}